పోలీసుశాఖకు మీరందించిన సేవలు శ్లాఘనీయం

సుదీర్ఘ కాలం పోలీసుశాఖలో బాధ్యతాయుతంగా, ఎంతో క్రమ శిక్షణతో విధులు నిర్వహించి ఉద్యోగ విరమణ చేసిన (1) ముడసాల వేణు గోపాలస్వామి, ఎస్ఐ, పోలీసు కంట్రోల్ రూం (2) కుచ్చర్లపాటి తిరుమలరాజు, ఎస్ఐ, పోలీసు కంట్రోల్ రూం (3) సర్ధార్ ఖాన్, ఎస్ఐ, విజయనగరం (4) ఆర్.వి.ఎ.నర్సింగ రావు, ఎఎస్ఐ, జామి పోలీసు స్టేషను (5) ఊయక గుంపస్వామి, ఎఆర్ఎస్ఐ, ఆర్మ్ డ్ రిజర్వు లకు జిల్లా పోలీసుశాఖ తరుపున జిల్లా ఎస్పీ శ్రీ వకుల్ జిందల్ జిల్లా పోలీసు కార్యాలయంలో జూలై 1న ఘనంగా “ఆత్మీయ వీడ్కోలు” పలికారు.
ఈ సందర్భంగా జిల్లా ఎస్పీ వకుల్ జిందల్ మాట్లాడుతూ – శాంతిభద్రతల పరిరక్షణలో పోలీసులు
సమర్ధవంతంగా విధులు నిర్వహించడం చాలా కష్టతరమన్నారు. క్లిష్ట పరిస్థితులు, విభిన్న వాతావరణంలో విధులు నిర్వహించడంతో పోలీసు ఉద్యోగులు తమ ఆరోగ్యంపై దృష్టి పెట్టలేని పరిస్థితులు ఉంటాయని, తద్వారా ఉద్యోగ విరమణ చేసే సమయానికి అనారోగ్యం పాలవుతున్నారన్నారు. ఉద్యోగ విరమణ చేసిన ఐదుగురు పోలీసు
అధికారులు, సమర్ధవంతంగా, ఎంతో క్రమశిక్షణతో విధులు నిర్వహించారన్నారు. మావోయిస్టులు కార్యాకలాపాలను
నియంత్రించుటలోను, అసాంఘిక కార్యకలాపాలను అరికట్టుటలో ఎటువంటి రిమార్కులు లేకుండా సుమారు 40సం.లు పోలీసుశాఖకు సేవలందించడం అభినందనీయమన్నారు. ఉద్యోగ బాధ్యతలతోపాటు, వారి పిల్లలను కూడా మంచి విద్యావంతులుగా తీర్చిదిద్ది, వారు ఉన్నత స్థానంలో నిలిచేలా చేసారన్నారు. ఉద్యోగ విరమణ తరువాత ఆరోగ్యంపై ప్రత్యేక శ్రద్ధ పెట్టాలని, సమాజానికి మంచి చేసేందుకు కృషి చేయాలన్నారు. ఉద్యోగ విరమణ చేసిన బెనిఫిట్స్ రావడంలో ఇబ్బందులు తలెత్తితే, పరిష్కరించేందుకు రిటైర్డ్ ఉద్యోగులకు అండగా ఉంటామన్న భరోసాను జిల్లా ఎస్పీ వకుల్ జిందల్ కల్పించారు.
అనంతరం, ఉద్యోగ విరమణ చేసిన ఎస్ఐలు ఎం.వేణు గోపాలస్వామి, కే.తిరుమలరాజు, సర్దార్ ఖాన్, ఎఎస్ఐ ఆర్.వి.ఎ. నర్సింగరావు, ఎఆర్ఎస్ఐ ఊయక గుంపస్వామిల దంపతులను జిల్లా పోలీసుశాఖ తరుపున జిల్లా ఎస్పీ వకుల్ జిందల్ సాలువలతోను, పూలమాలలతో ఘనంగా సత్కరించి, జ్ఞాపిక, సన్మాన పత్రాలను ప్రధానం
చేసి, ఘనంగా “ఆత్మీయ వీడ్కోలు” పలికారు. అదే విధంగా జిల్లా కో-ఆపరేటివ్ క్రెడిట్ సొసైటీ తరుపున జిల్లా ఎస్పీ గిఫ్ట్, చెక్లను అందజేసారు. ఉద్యోగ విరమణ చేసిన అధికారులు మాట్లాడుతూ తమ సర్వీసులో సహాయ,
సహకారాలను అందించిన అధికారులు, సహెూద్యోగులు, సిబ్బందికి కృతజ్ఞతలు తెలిపారు.
ఈ కార్యక్రమంలో అడ్మిన్ అదనపు ఎస్పీ పి.సౌమ్యలత, ఎఆర్ అదనపు ఎస్పీ ఎఆర్ జి.నాగేశ్వరరావు,
ఎఆర్ డిఎస్పీ వై.రవీంద్రా రెడ్డి, ఎస్బీ సిఐలు ఎ.వి.లీలారావు, ఆర్.వి.కె.చౌదరి, రిజర్వు ఇన్స్పెక్టర్లు ఎన్. గోపాలనాయుడు, టి.శ్రీనివాసరావు, ఆర్.రమేష్కుమార్, పలువురు ఆర్.ఎస్.ఐ.లు పోలీసు అసోసియేషను అధ్యక్షులు
కే.శ్రీనివాసరావు మరియు ఉద్యోగ విరమణ చేస్తున్న పోలీసు ఉద్యోగులు, వారి కుటుంబ సభ్యులు, ఇతర పోలీసు అధికారులు, సిబ్బంది పాల్గొని, ఉద్యోగ విరమణ చేస్తున్న ఉద్యోగులకు శుభాకాంక్షలు తెలిపారు.